Hät äine so vil Männdlichkäit und Form
und Götterstaatuss, aber Mäntscheliib,
so chönti mänge Määss nèè draa; er bliib-
ti au für „Mister“-Kandidaate d Norm.

Au jede Speerwèrffer chan Pfüüler strecke
und luege, wien er dänn posiere sell
und wien er sich für d Siigerfoti stell,
zum bi de Fèèn Bewund’rig chöne z wecke.

Jetz mèrk i grad, das ich „posiere“ säge.
Das träfflich Woort füert sicher uf in zrugg.
Im griechische „Posäidoniere“ ggläge,

so schlaat „posiere“ i d Modèrni Bbrugg
vom Gott Posäidon, won i Speerwurff-Poose
de Niid weckt vo de Body-Bildings-loose.